الشركة الموظفة المحترمة

أنا معك انو التميز مطلوب وأنو تطوير المهارات والقدرات شي ضروري جدا بسوق العمل هلق انت تقدمو لك 25 بنت ولقيت وحدة طيب المسألة نسبة وتناسب يعني ممكن لو تقدمولك 100 بنت تلاقي 4 جيدين جدا وممكن أكتر أنا تعليقي على أنو نحنا الخريجين او يلي على وش تخرج عطونا فرصة مو أكتر يعني حضرتكم عملتو مقابلة ل 25 بنت وهاد جيد جدا جدا بس انا عم احكي على الشركات يلي بتنشر اعلاتات وبتشترك بمعارض فرص العمل بس سلامتك لا حياة لمن تنادي يعني لا حدا استدعاني على مقابلة ولا هم يحزنون مع أني قدمت السي في تبعي على مدى السنتين الماضيتين طبعا بالمعرض وغيرو وانا حاليا توظفت عن طريق هاد الموقع بقى المسالة مو بس مسالة تطوير مهاراتنا بدنا شركات و مؤسسات صادقة نقدر نوثق فيون وبحكمون لانو التوظيف حاليا اسمحلي قلك للواسطة ثم الواسطة ثم ..... وصدقني في ناس عنا متخرجين بامكانات رائعة جدا ولغة أجنبية متقنة بس شو بدنا نعمل انا بتأمل انو كل الشركات تكون متل حضرتكم على القليلة عطيتو الفرصة ل 25 بنت لاثبات جدارتهم و امكاناتهم وهاد شي رائع وبالتوفيق

 تشكر سيد هشام على هذه المقالة بس عندي سؤال ياربت توضحلنا او تشرحلنا شوي صغيرة عن بعض أنواع المقالات يلي حضرتك ذكرتها لانو انا بصراحة بعمري مو سمعانة فيها ( نموذجية، انفعالية، مجهدة، موقفية، موجهة و غير موجهة) وفي شغلة صغيرة أنا حابة أذكرها انو حضرتك قلت انو انتو بتعلنو عن حاجتكم لموظفين من خلال معارض فرص العمل والجامعات وما الى ذلك بس المشكلة انو انا طالبة جامعية عاطلة عن العمل سابقا وجربت رحت على معارض فرص العمل حتى يلي موجودة خارج محافظة دمشق يعني حلب مثلا بس اسمحلي قلك انو للاسف هالمعارض ما عم تجيب اي نتيجة بصراحة يعني نحنا شريحة الشباب عم نعقد أمال كتيرة على هالمعارض وما الى ذلك بقى ممكن اسال حضرتك انو اذا الواحد خريج حديث او لسا ما تخرج او ما عندو الخبرة الكافية يلي اصحاب الشركات بتطلبها واحيانا بتوصل ل 5 سنوات خبرة في مجال السكرتاريا مثلا وهاد طبعا شي مو منطقي لانو متل ما ذكرت انا سابقا انو نحنا لساتنا شباب وصغار وما فتنا بسوق العمل ومعارض فرص العمل و الاعلان عن طريق الجامعات والمعاهد فهاد معناه انو هالشي موجه لشريحة واسعة من الشباب يلي ما عندها خبرة بالمرة او خبرتها قليلة جدا في سوق العمل بقى شو الحل برأيك وشكرا كتير على طرح هيك موضوع بيهمنا