لماذا يفشل بعض المتقدمين في المقابلات الشخصية:
تجد فرصة العمل التي تناسبك و تتقدم بسيرتك الذاتية المرتية و الكاملة ، تصلي ليلاً نهاراً للحصول على العمل الذي طالما رغبت فيه .. و إذ بك تتلقى مكالمة هاتفية و تحصل على موعد للمقابلة الشخصية .. تذهب بكل حماس للمقابلة لكن لا أحد يعاود الاتصال بك .. لماذا ؟
قد تتعدد الأسباب ، كما أن لكل مسؤول عن التوظيف وجهة نظر شخصية أو مهنية لكن عليك بالتأكد أنك لم ترتكب إحدى الأخطاء التالية:
- أنك لم تترك انطباعاً جيداً من أول مرة
الانطباع الأول الجيد من أهم الأشياء التي يجب أن تعطيها في مقابلتك الشخصية لأنها تحدد كيف ستسير المقابلة، فكن حذراً من أن لاتصل متأخراً و أن تقوم بتحية من ستقابله بشكل جيد سواء بالمصافحة الواثقة أو اللباس الملائم أو الكلام المهذب
- أن تأتي غير مركز و مرتبك و غير مصغ
عليك بالانتباه للأسئلة التي تطرح و للشرح التي يعطيه الشخص الآخر لك لأن ذلك يمكّنك من الإجابة بدقة و عدم إغفال أي من نقاط قوتك . مما يدلك على أنك لم تكن تستمع بشكل جيد هو إعادة السؤال عليك أكثر من مرّة أو طلب تفاصيل إضافية و بإصرار عن الحديث الجاري أو معاناتك في الإجابة عن الأسئلة التقليدية التي تطرح عادة
- أن لا تعرف عن الشركة معلومات كافية قبل أن تتقدم لفرصة عملها
الذهاب إلى المقابلة قبل الحصول عن معلومات كافية عن الشركة سينتج عنه مقابلة غير جيدة لأن ذلك قد يظهر بأنك غير مهتم أو مهمل كما قد يضعك في موقف حرج من أنك قد لاترغب في العمل لديهم بعد المعرفة عنهم
- عدم التحضير للمقابلة أو للأسئلة التي قد تسأل:
عدم التحضير للمقابلة قد يجعلك تتعثر و تخطأ في الإجابة أو حتى أن تذكر إجابات غير صحيحة . و الأسئلة الروتينية مثل: ما هي نقاط ضعفك أو قوتك أو ماذا تستطيع أن تفعل للشركة يمكن التحضير لها لتثبت قدراتك و تحصل على الثقة
- الضغط و المبالغة في إظهار نفسك :
يجعل ذلك عادة الشخص الذي يقابك غير مرتاح للتعامل معك أو يدفعه لطلب الكثير منك مما يجعلك تخسر فرصتك . فكن معتدلاً في الحديث
- التوتر:
التوتر من أكثر الأسباب التي قد تجعلك تخسر المقابلة لكن يمكن التغلب عليه بالتحضير الجيد و الخروج مبكراً للمقابلة حتى يتسنى لك التفكير بها
في النهاية فإن النجاح في المقابلة يعتمد على عدة عوامل منها الكفاءة و الخبرة و الملاءمة للعمل من كل النواحي إضافة إلى تركيز الأفكار و العمل الجاد و امتلاك مهارات التواصل و الإقناع و القدرة على تحديد الأهداف
فإذا وصلت إلى العمل الذي سعيت له تكون فعلاً قد قطعت شوطاً واسعاً في حياتك المهنية
التعليقات
هاد الموضوع كتير مهم وكتير حلو بس لو تعطونا حلول لهي الأخطاء بيكون عظيم
شكرا كتير
مابعرف بكرا رح جرب ومنشوووووووووف
يا جماعة .. كل شي حكيتوه فيه وجهة نظربس المشكلة انو الHR اللي عنا مو كلهن صارو بهاد المنصب عن دراسة و جدارة
و في ايام ما ال HR اللي بيعمل معك المقابلة
و في احيان بيجي اللي عم يقابلك بصير بدو ياك خلقان بأميركا و انكليزيتك يا لطيف و اذا شي كلمة اختصاصية مابتعرفا بتطلع انك ما بتفهم و لازم تشتغل ع حالك كتير و اللي اكتر شي زعجني انو انا طارقة مشوار من حمص عالشام بعر المشاكل بحمص وانو بعد 3 ساعات بين فحص و مقابلة و ابليكيشن بيطلع مافي شواااااغر و بس يصير شواغر بخبرك....طيب مشااان شوووو الاعلااااان
بس في شغلة كتيييييييير مهمة وقت تكون عم تعمل مقابلةو خاصة اذا ال HR نظامي هيي االbody language
لانو هي بتبين كل شي عنك .. متوتر او مرتاح او متلبك او عم تفكر او بتعرف او ما بتعرف او مهتم او مستهتر و اذا الHR دارس هيك شي بيكشفك فورا و انا برأيي انو كتييييييييير مهمة و هيي اللي بتعطي الحضور و الانطباع الأول المريح
الله يوفق الكل
صباح الخير جميعا ....
ينطلق نجاحنا بخطوة و اول هذا الطريق معرفة ذاتنا و امكانياتنا و كيف نسوق لنفسنا بالشكل الصحيح و الملائم ، ننطلق من ذاتنا لنتواصل مع الاخرين بشكل فعال .
اتمنى للجميع التوفيق
والله تعبت وانا دور ع شغل لا جينز ولا رسمي ولا المظهر ولا التحصيل العلمي عم يمشي حالو بس بالنهاية الله يوقف معنا شو بنعمل هيك الحياة
يا جما عه الدنيا هيك وهيك بده صبر خلينا ندرس ونتعب الله شايفنا وما رح يخذ لنا والباقي فاضي
لا إله إلا الله وبعديييييييين؟؟؟ عنجد يمل لك تعبت من التدوير على شغل ومن الإعلانات الكاذبة يللي بالجريدة لك بس يللي بدي اففهمو ليش بيحطو اعلان بالجريدة وبيقولو بدهن موظفين وهنن بالحقيقة مابدهن يعني بيحبو يشوفو أشكال الباحثين عن عمل مثلا\"؟؟؟ لك بدي أنجح بحياتي العملية بس ما عندي واسطة مارح قول ماعم لاقي شغل رح قول ماعندي واسطة ؟؟؟؟؟ البنت بتتوظف بحالتين يا واسطة يا أما بدها تكووووووووووووون الباقي عندكن؟؟؟؟؟وأحلى شي بروح عاشركة وبيسألني ال hr وليش بدك شركة محترمة؟؟ أما شو hr يخزي العين....
انا طالبة بعاني من عدم التوظيف مع اني جامعية وعاملة دورات بس احيانا مابيوظفو لانو مو متخرجة او عندي خبرة طيب اذا هلق متخرجة كيف بدي جيب خبرة اذا ماعطاني فرصة يعني عاملة دورات ومحاسبة بشوية توجيه بيمشي الحال بس للاسف كلو بيدور على شي
السلام ورحمته الله عليكم اجمعين انا عملت اكثر من مقابله ناجحه وفزت بالوظيفه بأكثر م شركه محترمه واكتسب خبرات كثيره ولكني الأن ابحث عن العمل وقد اجريت عدة مقابلات وكانت صعبه جدا بسبب ان الشركات تريد توظيف (سوبر هيرو موظف ) يستطيع التكلم بكل لغات العالم وأن يكون قادر على تسويق أعمال الشركة على كامل المجرة الكوينيه والأفضل أن يكون الموظف سوبر ستار خارق الجمال
الله يفرج على عباده
let me introduce an important factor , attitude
not only for you to success the interview but even after , if you are selected you have to prove all the time to manager and colleagues that you are up to their choice.
some people show their willingness to go on with the assignment, but after getting the job they think that they will not be quesioned about their performance cause they succeed the interview.. and this is wrong cause when the employer discover this, he will not tolerate questioning your performance. Be successful all the time
ياجماعة ليش كلكم نازلين بساحة مدراء الموارد البشرية !!!!
مو كل اصابيعكم متل بعض.... في كتيير من مدراء الموارد البشرية بيكره يوظف حدا من معارفه بالذات لانو بعدين بينحسب عليه اذا غلط... عدا عن انو ما بقى يقدر يوجه له اي ملاحظة .. ومن جهة اخرى موضوع النجاح بالمقابلة الشخصية مرهون بقدرتك على تقديم نفسك صح لانو أصل الموضوع هو بيع وشراء قوة عمل .. الشركة ممثلة بالHR تدفع لقاء افضل قوة عمل تناسبها وليس بالضرورة موضوع الواسطة
لا تخلوا الواسطة شماعة نعلق عليها عدم قبولنا ببعض مقابلات التوظيف .. صحيح انو عنا بالبلد في ازمة بالعمل بس هي حال معظم دول العالم!!!! وازمة البطالة العالمية بتعرفوها !!!
كتير من الشركات لما بدها توظف مدير موارد بشرية ما بتعرف شو بدها تسأله!! ما بيعرفوا يعملوا معه مقابلة توظيف !!! ومن خوفهم يظهر ضعفهم بيعينوا حدا من قرايبهم او معارفهم من باب الامان ودرجة الولاء
وعلى فكرة بالنسبة للخليج وللاشخاص يلي عم يمدحوا بالخليج وطاير عقلهم فيه القصة عندهم اصعب بكتييييير من سوريا لانهم ما بيقسوا الجانب النفسي ولا بيراعوا التوتر النفسي للمتقدم للعمل بالعكس بتكون لجنة المقابلة من شخص ضعيف بموضوع المقابلات التوظيفية أو من لجنة ثلاثة اشخاص بيجلسوا قبالك وكانك بمحكمة ووكيل نيابة والكل عم ينظر لك نظرة من فوق لتحت وكانوا محلل نفسي خبير وبدوا يثبت جدارته بالمنصب بانوا يقدر يمسك عليك غلطة طبعا عدا عن النظرة الاساسية الدونية والفوقية والنرجسية بانك (وافد ) ولست مواطن من بلدهم وهم عم يتحنننوا عليك ويعطوك راتبك .. واذا صار معك اي شي ببلدك او عيلتك تذكر انو جواز سفرك بايدهم وما بتقدر تسافر الا باجراءات طويلة اقلها 3 ايام اذا وافقوا لك ... لذلك اتمنى لكم الله يكفيكم شر الخليج والحاجة له .. ويا محلاك يا بلدي
بستغرب لمH ال CV تبعي تكون مطابقة للمطلوب و أغنى و ماحدا بيتصل عالقليلة!! يمكن الاعلان عن اشاغر شغلة شكلية لتعيين موظفين جدد مطلوبين بالاسم سلف أو فرصة لتعيين أقرباء موظفين الhr و أصحابن...........
طبعا ومن أهم الأسباب للفشل كمان خوف اللي عم يساويلك المقابلة أنك تجي وبالأخص إذا ال cv عندك قوية أنك تاخذ محلوا بالشغل... بالأضافة أنوا اللي عم يساوي المقابلة أساساً معظم ما بيعرفوا شو بدن من الموظف المطلوب أساساً من شان هيك بيكتفوا بسؤالك عن شكليات غير احترافية وبتخلص المقابلة معو ب 3 دقائق دون أن ينظر لوجهك سواء أكان كريما أم لم يكن
لاتنسوا اهم شي الواسطة
في احد المرات ذهبت لشركة لكي اقدم السيرة الذاتية
فقال لي المسؤول وكان السؤال الاول هل لديك واسطة هنا ؟!
فقلت : لا
قال : ليس لدينا شواغر هنا
نفس الاشياء صارت معي رغم كفأتي المهنية والعلمية وخبرتي الطويلة وانا بدعوكن تركزو علىالضغط والمبالغة في أظهار نفسك شكراً جزيلاً
كلام واقعي وصارت معي
الحق معك بس المشكلة انو كل المقابلات إذا ما في حدا يدعمك من جوات الشركة اللي عم بتقدم عليها ما حدا بوظفك، ما بعرف ليش هالشركات ما بدها مصلحتها و بتحط عالم ما نون بمحلون و بتدفعلون مصاري عالفاضي لأنو الHR راتبو هيك هيك واصل و ما بهمو الشركة تتطور و مع الأسف هنن اللي ماسكين كل القصة
من المفضل أيضاً ارتداء ملابس رسمية ( مو جينز ) لأنها تعطي انطباع بالدقة العملية والجدية بالعمل